Naturan Hezi III Topaketak

Biologian doktorea da eta Euskal Herriko Unibertsitatean, British Columbiako Unibertsitatean (Kanada) eta Cagliariko Unibertsitatean (Italia) aritu izan da lanean ikertzaile eta irakasle gisa. Esperientzia zabala du aisialdi taldeen koordinazioan eta egun, Kutxa Ekoguneko Baso-eskola proiektuko teknikarietako bat da. Kutxa Ekogunean Ingurumen Hezkuntzako departamentuan ere egin izan du lan eta EuskalNatura (UEU Natur Zientziak) taldeko kidea da 2007 urtetik. Horrez gain, UEUko Online Irakaskuntza Masterreko irakaslea da.

Kutxa Ekoguneko Baso-eskola teknikaria da. EHUko Bilboko Irakasleen eskolan irakasle ikasketak burutu ditu, Haur Heziketan espezialitatea eta Bartzelonako Unibertsitatearen eskutik Ikaskuntza Espazioen Diseinua graduondoa burutu du. Esperientzia handia du haur eta gazteekin bai helduekin lanean, herrialde eta hezkuntza zein laguntza ezarpen ezberdinetan. Baso Eskola edo Forest Kindergarten proiektua lideratzen aritu da Eskozian urte luzez eta Bandera berdea (Eco Flag) lortzeko partaide aktiboa izan da.

Arte ederretan eta Haur Hezkuntzan graduatua. Gaur egun, Mariaren Lagundia Ikastolako Haur Hezkuntzako irakaslea.

Haur Hezkuntzan Diplomatua eta gaur egun Mariaren Lagundia Ikastolako Haur Hezkuntzako irakaslea

Bilboko Ingurugelako aholkularia, HH eta LHko irakaslea eta mendi-kirol teknikaria da. Sukarrietako Eskola Saiakuntzarako Zentroko (orain UIHZ) eta aisialdiko ingurumen hezitzailea izan da. Bizkaiko Mendizale Federazioan, Bizkaiko Goi Mendi Eskolan eta Euskal Mendizale Federazioaren segurtsun batzordean, mendiko segurtasun arloan aritu da. Txikitan eskaut taldean sartu zenetik, harreman estua izan du natura eta mendiarekin. Natura ikasteko lekurik aproposena delakoan dago eta Eskolak Naturan! Ekimena martxan jarri zuen.

Haur Hezkuntzan diplomatua eta graduatua. Bere ibilbide profesionala Hezkuntza ez- formalean hasi zuen. Txatxilipurdi elkarteko Berramesten saileko arduraduna izan da, ondoren Arabako baso eskoletan lanean egon da eta azken urte hauetan, hezkuntza formalera salto egin du. Arizmendiko Haur Hezkuntzan bidelaguna izan da eta momentu honetan, Lehen Hezkuntzan dihardu.

Medikuntzan lizentziatua, Pediatria kliniko eta Haur nutrizioan masterra egin zuen EHUn. 2014tik, pediatra modura egiten du lan Uharte, Cintruénigo eta Antsoaineko osasun zentroetan. Nafarroako Pediatria Elkarteko eta Espainiako Amagandiko Edoskitzeko Elkarteko batzordekidea da. Edoskitze naturaleko espezialista da eta Amagandiko Edoskitzaroko hezitzailea da iHAN (Humanización de la Asistencia al Nacimiento y la Lactancia) egitasmoaren baitan. Ingurumen Osasun Lidergotzako diploma du eta Espainiako Pediatria Elkarteko Ingumen Osasun batzordeko kidea da. Ikerketan ere badihardu, hiru ikerlerro nagusietan: Haur Elikadura, Amagandiko Edoskitzea eta Ingurumen Osasuna. Pediatra den aldetik, bere interes nagusia haurren osasuna hobetzea da. Bere ustez, haurtzaroa da prebentzio-ekintzen eragin handieneko unea: amagandiko edoskitzea, elikadura osasungarria eta iraunkorra, jarduera fisikoa eta naturarekiko kontaktua funtsezkoak dira bizi-ohitura osasungarriak hartzeko. Hainbat jarduera bultzatu eta ikusarazi behar ditugula sinisten du, hala nola eskola-bideak, eskola-ingurune berde eta seguruak, aire garbia, naturarekiko kontaktua, etab., joera hori iraultzeko, gure gizartea birnaturalizatzeko eta gure sustraiekin konektatzeko bidea delako

Donostiako Kutxa Ekoguneko hezkuntza teknikaria eta EAThink proiektuko eskola-tailerren hezitzaileen koordinatzailea da. Gaur egun, Kutxa Ekoguneko hezkuntza programaren diseinua, kudeketa eta ikastetxeekiko kontaktuaz arduratzen da. Bere arlo profesionalean dibulgazioan lan ugari egindakoa da, bai prentsa idatzian zein ikusentzunezko medioetan, batez ere, fauna eta floraren artikuluak idatziz eta irrati saioak egiten. Hondakin organikoen kudeaketan aditua da, konpostaje teknikari bezala 6 urtez lan egin du, bai Gipuzkoa zein estatu mailan. Etxeko konpostaje kanpainak, zein auzokonposta kanpainak diseinatu eta bideratu ditu, bai eta ere industria mailako bilketa sistemen optimizazioan.

Bizkaiko Goi Mendi Eskolako teknikaria, BMF-FVMn sartzeko 2016ko maiatzaren 3ko deialdiaren arabera. Sakanetako eta Mendi Ertaineko Kirol Teknikaria da, baina bere jarduera pertsonalak ezagutzen diren mendigune guztietako mendirik altuenak hartzen ditu. Abentura anitzeko enpresekin lan egin du, eta esperientzia egiaztatua du era guztietako mendi-jarduerak kudeatzen: orientazio-ikastaroak, haitz-eskalada, vivac-teknikak eta ikasleekin mendiko hainbat jardueratan egindako lanak. Kantauriko mendiak eta Pirinioak ezagutzen dituen aditua da, baina orain Feel the adventure enpresarekin Euskal Herri osoan zehar gidatzeko eta trebatzeko proiektu berria du ardatz.

Arizmendi ikastolako GURA egitasmoko arduradun pedagogikoa da. Haur Hezkuntza eta Hezkuntza Berezian diplomatua, Haur Hezkuntzako irakasle lanetan ibili izan da eta orain Lehen Hezkuntzako irakaslea da. Maila guztietan ibili da tutore lanetan eta laguntza gelako irakasle bezala ere.

Lehen hezkuntzan diplomatua eta graduatua. Honez gain, Kirol arloan espezializatua eta goi mailako zikloa aterata. Gorputz hezkuntzako espezialitatea izan arren, gaur egun Lehen Hezkuntzako tutore da Mariaren Lagundia ikastolan. Baso eskolan esperientzia, Lehen Hezkuntzan hain zuzen ere.

Haur Hezkuntza musikala eta Lehen Hezkuntza Hezkuntza Berezian espezializatua. Gaur egun, Mariaren Lagundia Ikastolako Haur Hezkuntzako tutorea da baina Lehen Hezkuntzan ere tutore izan da.

Artista, aktorea eta klowna. 1999an arte eszenikoetako ikasketak hasi zituen, antzerkian, ahotsean eta gorputz-adierazpenean prestakuntza bizia emanez. 2006an clown munduarekiko maitasuna ezagutu zuen. Hortik aurrera, Clown arteari ekiten dio. Prestakuntza trinkoa eta etengabea eginez hainbat clown-eko irakasleekin. Komedia fisikoaren teknikan ere trebatzen da. 2006an, Intujai Teatro Konpainia sortu zuen May Gorostiagarekin batera, eta bertan Antzerki Jaialdiak (Antzeztaun, Amarotzeko Antzerki Astea) eta Ahozko Narrazioa (AHOZ-AHO Nazioarteko Jaialdia) antolatzen dituzte. 2011n hainbat ikuskizunetan parte hartu zuen aktore gisa: Murro en ponta de faca (Zuzendaritza: May Gorostiaga), De las amigas y sus melodías (Zuzendaritza: Migel Galindo). 2015ean, pertsona bakarreko ikuskizunak izan zituen ardatz, umoreari eta clown hizkuntzari buruzkoak: 2017an estreinatzen, A TOMAR VIENTO FRESCO-AIRE HEMENDIK, 2021ean, SOY LA BOMBA – BONBA BAT NAIZ estreinatu zuen eta 2022an, berak zuzendutako eta ekoitzitako THE SWOW MUST GO ON ikuskizuna.

Lehen Hezkuntzan graduatua da Euskal Herriko Unibertsitateko Hezkuntza, Filosofia eta Antropologia Fakultatean, Donostian. Urte asko eman ditu haurrekin esparru ezberdinetan lanean. Azken urtean burututako Gradu Amaierako Lana ikasgelaz kanpoko ikaskuntza ikertzera bideratu zuen, eskola inguruneak baliabide didaktiko gisa eskaintzen zituen aukerak arakatuz. Egun, Kutxa Ekogunean Baso – Eskolako teknikari gisa jarduten du, eskolei naturan hezteko aholkularitza pedagogiko eta didaktikoa eskainiz besteak beste.

Enpresa administrazioan ikasketak egin bazituen ere, munduan zehar buelta asko eman zituen. Ama izan eta lan egiten zuen enpresak itxi ondoren, hezkuntza proiektu propioa sortzea erabaki zuen. Hala sortu zen Cuna baserri-eskola, benetan lanbide horrek zoriontsu egiten zuela ikusi zuen Sarak. Orduz geroztik, naturan heztearen eta ingurumen hezkuntzaren inguruan formatzen segitu du eta egun, Cuna eskolako koordinatzaile eta arduradunetako bat da.

Donostiko Goi Mailako Arkitekturako Eskolan egin zituen ikasketak eta Lan-Arriskuen Prebentziorako Goi Mailako Teknikaria izateko masterra burutu zuen. Bere ibilbide profesionala eraikin eta ondarearen birgaitze eta zaharberritze arloan hasi zuen eta arlo horretan enpresa pribatuko hainbat postu izan ditu (hasieran obra arduradun bezala hasi eta zuzendari tekniko eta produkziokoa izatera iritsi arte). Baina 2015ean Suhiltzaile Ofizial postua lortu zuen eta Gipuzkoako Foru Aldundian lanean hasi zen. 2016tik 2019ra Suhiltzaile Zerbitzuko Buruzagitzaren ardura hartu zuen. 2020tik berriro ofizial postura itzulita Operazio eta Formakuntza arloko plangintza eta kudeaketa ardurak jorratu ditu gaur egun arte. Arlo pribatu eta publikoan garapen eta ikerketa proiektuetan parte hartu izan du. Horrela Europar Batasuneko funtsak hornitutako hainbat nazioarteko proiektuetan parte hartu izan du arlo pribatuan. Orain arlo publikoan FEDER funtsekin hornitutako POCTEFA programan ALERT proiektuaren bazkidetzan GFA-aren aldetik proiektu arduraduna izan da larrialdietan mugazgaindiko elkarlan eta koordinazioa sustatzea helburu dituen proiektu batean.

Flandrian jaioa, soziologoa da eta egun, natura gida modura egiten du lan Laponian, Inari Lakuaren inguruan safariak antolatuz, Sami herriarekin elkarlanean. Txikitatik izan du naturarekiko lotura estua eta 16 urterekin hasi zen boluntario gisa Suitzako Alpeetako mendi udalekuetan. Unibertsitateko ikasketak amaituta, Euskal Herrira mugitzea erabaki zuen eta ia 10 urtez bizi izan zen hemen, euskara ere ikasiz. 2010ean, Euskal Herritik unibertsitatera bueltatu zen eta hainbat gaien inguruan sakondu nahi izan zuen: neurobiologia, gizartegintza herri indigenoetan, naturarekiko konexioa,… Horrela, “Naturan oinarritutako garapen pertsonaleko“ coach-a bihurtu zen, batik bat 18-25 urteko gaztetxoekin eta boluntario bezala, gazte zentroetako nerabekin, adingabeko errefuxiatuekin, eskolatik kaleratutako gaztekin… 2020an, pandemia betean, Finlandian eskaintzen den “International Wilderness Guide” ikastaroa egin zuen eta ondoren, “Adventure Education“ instruktorea egin zen. Une honetan, ikastetxeek naturan irakasteko metodo bat garatzen ari da.