Encuentro Cultura Comunicación y Desarrollo 2021: "Cultura, Patrimonio y Desarrollo Sostenible”

Director de la Organización No Gubernamental para el Desarrollo Kultura, Communication y Desarrollo 'KCD' y del Festival Internacional de Cine invisible “Film Sozialak” de Bilbao. Desde el año 1988 trabaja en el ámbito de la Cooperación internacional y la Educación para la Transformación Social. Ha participado como jurado festivales de Cine Social en varias partes del mundo e impartido talleres y conferencias sobre la comunicación como herramienta de desarrollo.

Margaret Bullen (Nedging, Suffolk, Erresuma Batua, 1964) 1991. urtetik Euskal Herrian bizi den antropologo britainiarra da. Filologia Hispanikoa eta Frantsesean lizentziatua (University of Bristol, 1987), Gizarte Antropologian doktorea (Institute of Latin American Studies, University of Liverpool, 1991). Euskal Herriko Unibertsitatean 2005etik gizarte antropologia irakasten du eta egun Hezkuntza, Filosofia eta Antropologia Fakultatearen dekano-ordea da, Practicuma eta Garapenerako Lankidetza koordinatzen duena. Farapi, antropologia aplikatuaren kontsultarako kide fundatzailea da. University Studies Abroad Consortium (USAC) patzuergoan kolaboratzeailea da eta Renon argitaratutako Basque Gender Studies (2003) egilea. Iker lerroak genero, jaiak eta erritualak alde batetik; immigrazioa, hizkuntza eta aniztasuna bestetik. Azken urteotan, Gipuzkoako jaietan emakumeek bultzatu diren aldaketen inguruan ikertu du (Bidasoaldeko Alardeak, Antzuolako Mairuaren Alardea, Donostiako Danborrada…).

Kazetaritzan lizentziaduna da (1995), eta Komunikazio Zientzietan masterduna (2006). Habanako Komunikazio Fakultatean eskuratu zituen bi tituluak.0} Kubako Kazetarien Batasuneko (UPEC) eta Gizarte Komunikatzaileen Elkarteko kide da. 1995ean ekin zion ibilbide profesionalari, Habanako Historialariaren Bulegoan (Oficina del Historiador, gaztelaniaz), eta zenbait kargu izan zituen erakunde horretan, kultura-programazioaren eta komunikazioaren alorretan. 2006an, berriz, Kultura Ondarearen Zuzendaritzako kultura-kudeaketaren zuzendari izendatu zuten, eta kargu horretan dihardu gaur egun. Harrezkeroztik, kultura-programa zabala koordinatu eta antolatu du, Historialariaren Bulegotik: 60 bat museo eta kultur zentroen jarduerak, erakundearen ekitaldi nagusiak eta plazetan egiten diren kontzertu eta ikuskizun guztiak. Beraren zuzendaritzapean egin ziren haurrei, nerabeei eta hirugarren adinekoei zuzendutako ondarearen alorreko zenbait gizarte-proiektu.

Kultura-erakunde eredugarrien prebentziozko kontserbazioan espezialista eta administratzaile izan zen Senegaleko Ikerketa eta Dokumentazio Zentroan. Gaston Berger Unibertsitateko institutu bat da aipatutako zentroa, eta han ari da lanean azkeneko 28 urteotan (13 museoan eta 15 zentroaren zuzendaritzan). Saint Louis uhartea Munduko Ondarearen Zerrendan sartzeko artxibategia eta inbentarioa prestatzen ari den taldeko kidea da. Halaber, herrialdearen iparraldeko kultura- eta turismo-ondarea zaintzeko, gordetzeko eta balioesteko ekimen guztietan ere jardun da. 2009tik da Niang andrea Turismo Garapeneko Programaren Zuzendaritza Batzordeko kidea. 2019az geroztik, herrialde horretako erreferentziako aditua da UNESCOren ondare immaterialari buruzko programan. ICOMOS eta ICOMeko kide da; 2017tik, berriz, ICOMeko batzorde nazionalaren burua. Frantziako Palma Akademikoen Ordenako «Chevalière» izendatu zuten 2002ko martxoan; 2020ko otsailean, berriz, Senegaleko Merituaren Ordena Nazionaleko kide.

Industria Ingeniaritzan doktorea Nafarroako Unibertsitatean 1995. UPV/EHUko Arkitektura Goi Eskola Teknikoko Nazioarteko Harremanen, Mugikortasunaren eta Eleaniztasunaren zuzendariordea. Zaak (Zaintza Kolektiboak eta Arkitektura) taldeko ikertzailea. ETS Arkitekturan garapenerako lankidetzarako GAZTENPATIA programaren koordinatzailea. Biomimesiseko Ri3 sarearen bazkide sortzailea. Irakasle Eraikitako Ondarearen eta dauden Eraikinen Birgaitze, Zaharberritze eta Kudeaketa Integraleko Masterrean. Generoan, Teknologian eta Zientzian espezialista.

UPV/EHUko Ingurugiroaren Zientzietan lizentziaduna (2009) da, Paisajismo Masterra du (UPC) eta Paisaien Kudeaketa Masterra (UPV/EHU) egin du. Herritarren parte hartzearen eta Lurraldea, Paisaia eta Ondarearen kudeaketa eta ikerketaren arloan garatu du bere ibilbide profesionala. Egun, Kultur Paisaiak eta Ondarea Unesco Katedran ikertzaile eta koordinatzaile gisa lan egiteaz gain, Paisaiaren Kudeaketa eta Antolamendua hobetzeko sozializazio protokoloei buruzko doktorego-ikerketa burutzen ari da. Gainera, UFZ Ingurumen Ikerketa Zentroan (Leipzig, Alemania) izandako lehen esperientzia profesionaletik hasi, Bartzelonan BCNlandscape kolektiboa sortu eta gaur egun EAEra iritsi arte, nazio zein nazioarte mailako hainbat proiektutan parte hartu du, hezkuntzaren eta ingurumen sentsibilizazioaren, paisaia berreskuratzearen eta instalazio efimeroen arloan, besteak beste.

Lehen alkateordea da Senegaleko Saint Louis hiriko udalean, eta irakaslea lanbidez. 1983an ekin zion politikagintzari, eta 2013az geroztik egun osoz jarduten da horretan. 2013-2016 epean, Saint Luoiseko udalaren Partaidetza, Genero eta Komunikazio Bulegoaren arduraduna izan zen. Lehen alkateordea da 1996az geroztik, eta hezkuntzaren (hamahiru urtez), hirigintzaren eta obren jarraipen-lanen (bost urtez) alorretan aritu da; gaur egun, berriz, administrazio orokorrari, egoera zibilari eta komunikazioari lotutako gaiez arduratzen da. Mugimendu asoziatiboari dagokionez, familia-plangintzaren arloan jardun da batik bat.

Arteen Unibertsitatean (ISA) graduatua, Teatrologian eta Dramaturgian urrezko diplomaduna eta arte-kritikan espezializatua. Gaur egun, Habana Hiriko (Kuba) Historiagilearen Bulegoko komunikazio-zuzendaria da. «Juventud Rebelde» egunkariko kazetari gisa hasi zen lanean, 1990ean, egunkariko kultura-orrialdeetan iruzkin kritikoak argitaratuz. Gazteria eta Gizarte Sailetako editorea izan zen geroago, eta, 1995ean, Kultura saileko buru izendatu zuten. Bere lanbide-karrera luzean zehar «En primera persona» telebistako kultura-albistegia zuzendu eta aurkeztu du, baita telebistako beste hainbat kultura-saio ere. Era berean, La Habana Hiriko Historialariaren Bulegoari lotutako Habana Radio gizarte-proiektuko zuzendaria izan da. Irrati horren programazioak historiari, kulturari eta ondareari lotutako edukia du eta Kubako herritarrei zuzenduta dago, batik bat sortze-hirietako erdigune historikoak berroneratzeko lan laudagarria egiten dutenei.

Habanako Arkitektura Fakultatean ikasi zuen, eta han graduatu zen. Habana Zaharraren birgaitze-lanetan jardun zen, Kontserbazio, Leheneratze eta Museologia Zentro Nazionalean (1984-1994); ondoren, 1994tik, Habana hiriko Historialaren Bulegoan aritu zen; 1995etik, berriz, Plan Nagusiaren koordinazio teknikoaz arduratzen da, eta haren zuzendari da 2003az geroztik. Habanako zenbait ingurune baliotsuren garapen integrala zuzentzen du elkarte horrek. Bestalde, Habana hiriko historialari den Eusebio Leal doktorearen zuzeneko laguntzailea eta jarraitzailea izan da. Zientzia Teknikoetan doktore da, 2010az geroztik (tesiaren izenburua, «Gestión del desarrollo integral en los centros históricos», Zentro historikoen garapen integralaren kudeaketa). Kubako zenbait unibertsitatetako alboko irakasle titularra da, eta laguntzailea atzerriko beste zenbaitetan. Aholkulari ere jarduten da, Kuban zein nazioartean. 2003tik, Ondare Hirien Kudeaketari buruzko Nazioarteko Topaketen lehendakaria da, et

Koldo Telleria Andueza (Segura, 1972) arkitekturan lizentziatua da EHUn, Hirigintzan diplomatua ere bada eta Sevillako UPOn eta Antropologian Master bat dauka. Hiri Kolektiboa sortu zuen 2002an eta hirigintzarako parte-hartze prozesu ezberdinak diseinatu, zuzendu nahiz gauzatu ditu Euskal Herriko testuinguru ezberdinetan. Saharan, Mozambiken eta Pakistanen aritua da kooperazio lanetan. EHUko arkitektura eskolan irakaslea da. Gaur egun, hirigintza eta lurralde antolamenduan gizartearekin elkar lanean eta ikerketan dihardu.

Senegaleko Saint Louiseko Gaston Berger Unibertsitateko irakasle titularra da Zibilizazio, Erlijio, Arte eta Komunikazio Fakultatean. Ondarearen Lanbideen Saileko (MDP) zuzendaria eta zuzendari zientifikoa da fakultate horretan. Senegaleko sektore guztiz berritzaile horretako diseinatzaile nagusietako bat izan zen, bai eta zuzendaria ere 2012tik 2016ra. Geografoa da, doktore lurralde-antolamenduan eta hirigintzan (Paris X-Nanterre Unibertsitatea) eta Goi Ikasketa Espezializatuetako diplomaduna (DSS) Hirigintzan eta Toki Garapenean (2000n lizentziatua). Hirigilea ere bada, eta lanbide horretan ere jarduten da. Arkitektura- zein hiri-ondarea eta turismoa ditu aztergai nagusi, eta hiriarekin, hiriko zer guztiekin eta lurralde aldakorrekin lotzen ditu. 2002tik 2010era, irakasle jardun zen Unibertsitatean eta Frantziako Arkitektura eta Paisaia Eskoletan. Monumentu eta Lekuen Nazioarteko Kontseiluko lehendakaria da Icomos Internacionaleko kide eta aditua, eta Unitwin-Unesco sareko kidea.