Herritarren batzarrak, herritarren konpromiso-olatu berria europan

Tailer honetan, Europan hainbat eskalatan egindako herritarren batzarren adibideak aurkeztu ziren, prozesu horien abantailak eta aurre egin behar dieten zailtasunak ezagutzeko.

Klima-aldaketa arazo oso konplexutzat jotzen da askotan. Herritarren parte-hartzeak erabaki politikoen babesa eta legitimitatea areagotzen lagun dezake, eta, testuinguru horretan, herritarren batzarrak oso tresna egokia izan daitezke konplexutasun handiko arazoei aurre egiteko.

Herritarren batzarrak ausaz aukeratutako adituak ez diren pertsonen talde batek erabakiak hartzeko ereduak dira. Prozesuan, gaiari buruzko ikaskuntza sakona egiten da, adituen dokumentazioa eta aurkezpenak oinarri hartuta. Erabilitako metodologiaren helburua ideien eztabaida eta diskusioa erraztea da, erabakiak hartzeko gomendio multzo batera iristeko.