Smart Mobility: Mugikortasun adimentsu eta jasangarri bateruntz

Adur Ugartemendia Leunda, Donostiako Arkitekturako Goi Eskola Teknikoan formatutako Arkitektoa da (2011) eta Zuzendaritza Komertzial eta Marketing-ean du Unibertsitate Masterra - UDIMA (2016). Halaber, Hirigintza Ekologikoan eta Hiri eta Toki Jasangarritasunaren Estrategian prestakuntza du Madrilgo Unibertsitate Autonomoan (2012). Hainbat urtez eraikuntza aurrefabrikatuko eta arkitekturako start-up 'etan nazioarteko komertzial gisa aritu ondoren, enpresa pribatuan egin zuen azken denboraldian, LANIK ingeniaritza donostiarraren arduradun komertziala izan zen Ekialde Hurbilerako. 2020ko abendutik, Beasaingo Udaleko alkateorde eta Lurraldea Batzordeko Lehendakaria da.

Leire Artola Ugalde, Zuzenbidean lizentziatua da eta Ekonomian du espezializazioa, Deustuko Unibertsitatea (1999). Komertizial gestore bezala esperientzia zabala du, 15 urtez Nafarroako Rural Kutxan aritu zen ardura hauekin. 2011 eta 2015 bitartean bere jardun profesionala politikarekin uztartzen hasi zen, Beasaingo Udaleko zinegotzi bezala. 2015etik politikari profesionala da, lehen urteak alkateorde eta Lurraldea saileko lehendakari bezala egin zituelarik, 2020ko abenduan Beasaingo lehen alkate andere izendatua izan zen. Aldi berean, Gipuzkoako Batzar Nagusietako batzarkide ere bada.

Ingeniero industrial por la Universidad Católica de Lima y por la Politécnica de Madrid, y es el responsable de carpooling en organizaciones en Hoop Carpool.

Hector ingeniari zibila da, Stuttgarteko Unibertsitatean Ingurumen Prozesuen Ingeniaritzan masterra egin zuen. Bere lan- eta ikerketa-esperientziari esker, gaitasun teknikoak ditu azpiegituren garapenean, ingurumen-ingeniaritzan eta energia berriztagarrietan. BABLE GmbH enpresan lan egiten du, energia ardatz duten proiektuetan aholkulari gisa, ibilbide-orriak, bideragarritasun-azterlanak eta inplementazio-estrategiak garatuz.

Inés del Campo Buenos Airesen jaio zen, Argentinan, 1961ean. Fisikako lizentziatu titulua jaso zuen, Elektronika eta Automatika espezialitatean, 1987an, eta Ph. D. Fisikan lizentziatua 1993an, biak Euskal Herriko Unibertsitatean (UPV/EHU). Gaur egun, EHUko Zientzia eta Teknologia Fakultateko Elektrizitate eta Elektronika Saileko irakasle titularra da. Artikuluak argitaratu ditu nazioarteko aldizkari eta kongresuetan elektronika, adimen konputazionala, kontrol adimenduna, ingurumen-adimena eta patroien ezagutza arloetan, besteak beste. Bere ikerketa-interesak nagusiki txip-sistemen diseinuan (SOC), hardware/software kodiseinuan, hardware birkonfiguragarrian, konputazio orokorrean, sare neuronal artifizialetan (ANN), sistema lausoetan eta algoritmo genetikoetan oinarritzen dira. Era berean, interesa du gauzen internetean eta horiek nonahiko konputazioaren eta ingurumen-adimenaren testuinguruan duten aplikazioetan.

Joxean Etxebeste Industria Ingeniari Teknikoa da Mondragon Unibertsitatean (1991), eta Goi Mailako Ingeniaria Mekanikan, Parisko Institut Supérieur des Matérieux et de la Construction Mécanique erakundean (1993). Halaber, Enpresa Zuzendaritzako MBA bat du Deustuko Unibertsitatean egina (2005). 1988 eta 1991 artean, Mondragon Unibertsitateko fabrikazio saileko irakasle izan zen eta 2003an Mondragon Assembly-ko zuzendari izendatu zuten. 2008tik Irizarreko Ingeniaritzako arduraduna da. Aldi honetan, karrozeria berrien garapenaz gain (i6, i8 eta i3), gasez bultzatutako (GNC eta GNL) eta ibilgailu hibrido integralen karrozeria eta powertrain soluzioak kudeatu ditu.

CAF-eko Ikerketa saileko Teknologien arduraduna da Aitor Gastañares Etxezarreta, sailean 1990-tik aritu delarik. Horretaz gain, 2003-2008 tartean Ingenieritzako Sistemen Arduradun ere izan zen. Hiru hamarkada hauetan CAF-en bilakaera teknologikoaren testigu eta partaide izan da.

Ray Alejandro Lattarulo-k 8 urte baino gehiagoko esperientzia du automatizazio, kontrol eta robotikan. Simon Bolivar Unibertsitatean (Venezuela) Ingeniari Elektroniko titulua lortu zuen 2014an, eta UPV/EHUko Kontrol Ingeniaritza, Automatika eta Robotikako doktoretza egin zuen 2019an. Ia 7 urteko esperientzia du gidatze automatizatuan ikertzaile gisa lan egiten. Hainbat algoritmo inplementatu ditu, hala nola erabakiak hartu, kontrol edo ibilgailuaren pertzepziorako. Gainera, tokiko, Espainiako eta Europako proiektuen lidergo teknikoa eraman du. Tecnalian lanean ari da 2016ko apirilaz geroztik, eta aurretik MCL Control (Venezuela) enpresarentzat lan egin zuen automatika industrialean. 35 argitalpen zientifiko baino gehiago ditu.

Antonio D. Masegosa Informatika Ingeniaritzan lizentziatu zen 2005ean eta Konputazio Zientzietan doktoratu zen 2010ean, biak Granadako Unibertsitatean. 2010eko ekainetik 2014ko azarora arte, doktoratu ondoko ikertzaile gisa lan egin zuen unibertsitate horretako IKTen Ikerketa Zentroan. 2014an IKERBASQUE Research Fellow ikerketa-beka bat jaso zuen DeustoTechen, Deustuko Unibertsitateko Teknologia Institutuan, lan egiteko. 2019an IKERBASQUE Research Associate aipatu zuen, eta gaur egun Deusto Smart Mobility taldeko ikertzaile nagusia da. Lau liburu, JCR 22 artikulu eta 30 lan baino gehiago argitaratu ditu nazioarteko zein nazioko kongresuetan, eta bi doktore-tesi zuzendu ditu. Gaur egun, H2020 (TANGENT) proiektu baten koordinatzaile teknikoa, beste H2020 (MOMENTUM) proiektu baten lan-paketearen liderra eta proiektu nazional baten ikertzaile nagusia da. Ikerketa-interes nagusiak Adimen Artifizialeko tekniken diseinuarekin lotuta daude, pertsonen eta ondasunen mugikortasunaren hainbat eremutan aplikatzen baitira.

Oihana Otaegui Automatika eta Elektronikako Ingeniaritzan lizentziatu zen Nafarroako Unibertsitatean, ohorezko matrikula lortu ondoren, «Specific ASIC design based on PWM techniques for high performance Motor controller» proiektuaren defentsan. 2005ean, Unibertsitate horretan bertan, Automatika eta Elektronikako Ingeniaritzako Europako Doktoregoa – Suma Cum Laude lortu zuen, Fraunhofer Institutuarekin lankidetzan. Bere tesia Europako Espazio Agentziak gainbegiratu zuen eta bere bikaintasun zientifikoa bermatu zuen. 1999an Fraunhofer IIS Institutuan (Alemania) sartu zen. Bertan, 2007ra arte, ikertzaile elkartua, ikertzaile bisitaria eta Senior Engineer izan zen, GPS hargailuen seinalearen tratamendu digitalean, lokalizaziorako hargailu multiseñalen diseinuan – CEITekin lankidetzan – Eta kontsumo optimizatu eta txertatuko sistemetan lan eginez. 2007an Vicomtechen sartu zen Garraio Sistema Adimendunen arloa bultzatzeko. Bertako zuzendaria da 2010etik.