Europako Batasunaren erronka nagusiak

Alde horretatik, aurre egin eta kudeatu beharreko lau krisi handiak jartzen ditu mahai gainean: berotze globala, biodibertsitatearen krisia, baliabideen gehiegizko ustiapena, eta kutsaduraren krisia. Horri dagokionez, esan du Europar Batasunak lidergo handia hartu duela negoziazioetan. Horren adibide da Europako Itun Berdea, ikuspegi holistikoarekin koherentea den proposamena. Ekonomiaren deskarbonizazioan eta horrek ekarriko duen garrantzian ere eragin du, baita finkatutako helburuak lotesleak izatearen garrantzian ere. Beste alderdi garrantzitsu bat ere landu da: finantzazioa. Aurrekontuen eta bonuen bidez finantzatuko da. Hori horrela izanik, Daniel Callejak uste du “Europatik eraldaketa handia bultzatzen ari direla”. Hizlariak Ursula Von der Leien-en hitzekin amaitzen du bere azalpena: “Europako Itun Berdea EBren hazkunde-estrategiaren funtsezko elementuetako bat da, eta Europako ekonomiarako berreskuratze ekologiko, sendo eta jasangarrirako bidea zehazten du”.

Bestalde, Hugo Moranek, Ingurumeneko Estatu Idazkariak, ingurumen eskubideen berezitasuna azpimarratu du. Eskubide horiek globalak izan behar dute nahitaez, ez dituzte muga administratiboak ulertzen. Gainera, ezinbestekoa da gizarteak ibilbide-orria bere gain hartzea eta bere egitea. Horri dagokionez, gaineratu du gaur egun badirela ikuspegi dibergenteak dituzten gizarte-pultsioak, baina talde-ulermen batera iritsi behar dugula aitortu du. Amaitzeko, erabateko aldaketa gertatzen ari dela azpimarratu du eta, alde horretatik, Europako funtsak beste etorkizun bat eraikitzera bideratu behar direla adierazi du.