Katalisia gizarte sostengarri baten giltzarri

Gaur egungo erregai eta produktuen ekoizpena etorkizuneko gizarte eta ingurumen beharretara egokitzeko bidea.

Gaur egun ekoizten ditugun erregai eta produktu gehienak iturri fosiletatik datoz, gehienbat petroliotik. Iturri berriztagarri eta prozesu sostengarriagoak aurkitzea ezinbestekoa da, produktu hornidura etorkizunean mantendu nahi bada, eta batez ere etorkizun hau berdeagoa izatea nahi badugu. Baina zer alternatiba ditugu? Teknologia behar beste garatuta al dago horrelako aldaketa bat emateko?

Zientziak erantzun dizkigu, beste arlo askotan bezala, mota honetako galderak. Iturri berriztagarriak bi zati nagusitan bana ditzakegu: erregai / energia hornitzeko balioko dutenak eta produktu materialak ekoizteko balioko dutenak. Lehenengo eta behin, energia iturri berriztagarri nagusiak baliabide naturaletan aurki ditzakegu (eguzkia, haizea, ura). Ba al dakizu lurrak egun bakar batean jasotzen duen eguzki energia kontsumitzen dugula mundu guztiko biztanleriak urte oso batean? Eta bigarrenik, urteen poderioz naturak berak eman dizkigu biomasa berria sortzeko irtenbideak, kasu honetan fotosintesi bidez landareak eta zuhaitzak etengabe hazteko aukera. Hau izango litzateke etorkizunean erabili beharko dugu material berri iturria. Etorkizuneko bide sostengarria nondik eta nora doan badakigu, aprobetxa dezagun beraz!