Herritarrak kohesionatuz

Ez dago jarraibiderik, eta beharrezkoa da hausnarketa bateratua egitea, epe labur, ertain eta luzerako beharrak dituzten erronka berriez betetako agertoki bat nola landu eta bihurtu jakiteko.

Gogoeta hori UPV/EHUko Uda Ikastaroetan egiten da berriz ere, begirada gure industrian jarrita. Funtsean, gure industria ETEak dira. Nola egin diezaiokegu aurre bizi dugun krisi izugarriari elkarlanean?

Etorkizuna Eraikiz proiektuak galdu diren ziurtasun batzuei buruz eta sendotu litezkeen itxaropenei buruz hausnartu behar du. Azkenaldiko gertaerek jokaleku berri bat berriz diseinatzera nola behartuko gaituzten ebaluatu behar du. Eta egiten duen lanaren berri eman behar du. Egiten duena azaldu, kalean gertatzen denarekin elkarreragiteko. Lan zaila izaten jarraitzen du.

UPV/EHUko Uda Ikastaroetan orainari eta etorkizunari begira, badira definitzen gaituzten hitz gako batzuk: hausnarketa, pluralismoa eta aniztasuna, besteak beste. Eta horiek guztiek bat egiten dute pluralismoari eta aniztasunari buruzko proposamen berri batean, bai eta pertsona guztien duintasunaren aitortzan, berezko balioan eta haien eskubide guztien errespetuan oinarrituta sor daitezkeen gatazka etikoei buruzkoan ere.

Gizarte-bizikidetzaren terminoak berriro definitzeko hausnarketa bat eraiki behar da, pertsona guztien berdintasuna bermatuko duen ikuspegi eraikitzaile batetik.

Eusko Legebiltzarrak 40 urte bete ditu. Onartu dituen legeek errealitate politiko bati erantzuten zioten, baina, baita gizartearen beharrei ere? Nola joan dira gizartearen balio berriak txertatzen?